Գրոնոյի հաջորդ կանգառը Երևանում է․ ի՞նչ է քննարկել նա Բաքվում
Եվրամիության հատուկ ներկայացուցիչ Մագդալենա Գրոնոն հայտնել է, որ սեպտեմբերի 10-ին Բաքու կատարած այցի ընթացքում հանդիպել է Ադրբեջանի ԱԳ նախարար Ջեյհուն Բայրամովի, Ադրբեջանի նախագահի օգնական Հիքմեթ Հաջիևի և Ադրբեջանի նախագահի հատուկ ներկայացուցիչ Էլչին Ամիրբեկովի հետ։
Հանդիպումների ընթացքում քննարկվել են Հայաստանի և Ադրբեջանի միջև խաղաղ գործընթացը, հումանիտար հարցերն ու տարածաշրջանային համագործակցությունը։ Գրոնոն նաև միացել է այսպես կոչված դիվանագիտական կորպուսի ներկայացուցիչների՝ օկուպացված Արցախ և «Արևելյան Զանգեզուր» կատարած այցին։
Երևանում նա կհանդիպի Հայաստանի իշխանությունների և քաղաքացիական հասարակության ներկայացուցիչների հետ։
