Թեհրանը որոշել է տեղափոխել նավթապահեստարանները

Թեհրանի քաղաքային խորհուրդը ձայների մեծամասնությամբ արագացված ընթացակարգով հաստատել է մայրաքաղաքի հյուսիս-արևմուտքում գտնվող Շահերան շրջանում նավթապահեստարանները տեղափոխելու նախագիծը։

Որոշումը կայացվել է այն ժամանակ, երբ վերջին հարձակումների ժամանակ պահեստարանը ավերվել է։ Տարածված վառելիքն ու բռնկված հրդեհը ջրահեռացման համակարգերի միջոցով հասել են հարակից տարածքներ:

Որոշման համաձայն՝ Թեհրանի քաղաքապետարանը Իրանի նավթի նախարարության հետ համատեղ երեք ամսվա ընթացքում պետք է որոշի պահեստարանների համար նոր տարածքը, ինչպես նաև խողովակաշարերի տեղափոխման ուղղությունը։

Նախատեսվում է նավթապահեստարանները և համապատասխան ենթակառուցվածքները դուրս բերել բնակելի տարածքներից։