ԱՄՆ-ն վիզաներ է տրամադրել Իրանի նախագահին և ԱԳ նախարարին` ՄԱԿ-ի Գլխավոր ասամբլեային մասնակցելու համար
ԱՄՆ կառավարությունը վիզաներ է տրամադրել իրանցի պաշտոնյաներին Նյու Յորքում ՄԱԿ-ի Գլխավոր ասամբլեային մասնակցելու համար։
BBC-ի տեղեկություններով՝ մասնակցության թույլտվություն ստացած հիմնական պատվիրակության կազմում են Իրանի նախագահ Մասուդ Փեզեշքիանը և արտաքին գործերի նախարար Աբբաս Արաղչին։
ԱՄՆ պետդեպարտամենտի խոսնակը հաստատել է որոշումը՝ նշելով, որ պատվիրակության համար կսահմանվեն տեղաշարժի սահմանափակումներ և կարգելվի որոշակի ամերիկյան ապրանքներ գնել։
Անցյալ տարի Իրանից մասնակցող դիվանագետներին արգելվել էր գնումներ կատարել մեծածախ խանութներում, ինչպիսին է Costco-ն։ Նրանք նաև պարտավոր էին թույլտվություն ստանալ ԱՄՆ-ից՝ շքեղ ապրանքներ, այդ թվում՝ զարդեր, ալկոհոլ և մեքենաներ գնելուց առաջ։
Պետդեպարտամենտի խոսնակ Թոմի Պիգոթը հայտարարել է, որ ԱՄՆ-ն կկանխի դիվանագետների «շոփինգ-տուրերը», քանի դեռ Իրանի ժողովուրդը բախվում է ջրի և էլեկտրաէներգիայի պակասի, «դաժան բռնաճնշումների» և «աճող գնաճի»։
