Սևանի ափին ցեմենտի արտադրություն հիմնելու ծրագիրը մերժվել է․ «Հետք»

Օգոստոսի 8-ին պատմել էինք Սևանա լճի անմիջական ազդեցության գոտում «Սանի Լենդ» ընկերության ծավալած գործունեության մասին․ գրում է «Հետք»-ը։

«Ընկերությունը լճից 1500 մետր հեռավարության վրա՝ Սևան ազգային պարկի հարևանությամբ (600մ) և Ձկնագետ գետին անմիջապես հարող տարածքում, առանց բնապահպանական թույլտվության՝ ասֆալտի գործարան է աշխատեցնում և ծրագրում էր նույն տարածքում կազմակերպել ցեմենտի արտադրություն։

Սեպտեմբերի 18-ին Շրջակա միջավայրի նախարարության կայքում հրապարակվեցին «Սանի Լենդ» ընկերության հանքային փոշու, գիպսի, ցեմենտի արտադրություն կազմակերպելու վերաբերյալ՝ նախարարությանն ուղարկված հաշվետվության ուսումնասիրության արդյունքները։ Շրջակա միջավայրի վրա ազդեցության պետական փորձաքննությունը «Սանի Լենդ» ընկերության նախագծին տվել է բացասական եզրակացություն»,- նշում է լրատվամիջոցը։

Մանրամասները՝ սկզբնաղբյուրում։