Ֆրանսիան հայտարարում է Ադրբեջանի հետ հարաբերությունների կարգավորման գործընթացի մեկնարկի մասին

Ֆրանսիայի ԱԳՆ-ն հայտարարել է, որ Ֆրանսիայի քաղաքացի Մարտին Ռայանին ազատ արձակելու Ադրբեջանի որոշումը երկու երկրների միջև տասնամյակներ շարունակվող խորը լարվածությունից հետո «քայլ է դեպի հարաբերությունների կարգավորում»․ գրում է Euronews-ը։

Հինգշաբթի Բաքվում Ֆրանսիայի դեսպանության միջոցով տարածված կարճ հայտարարության մեջ Ֆրանսիայի ԱԳՆ-ն նշել է, որ «Ռայանին ներում շնորհելու որոշումն Ադրբեջանի իշխանությունների հետ համբերատար և պահանջկոտ երկխոսության արդյունք է, որը մենք մտադիր ենք շարունակել»։

Ֆրանսիայի և Ադրբեջանի միջև խիստ լարված հարաբերությունների ֆոնին՝ ֆրանսիացի գործարար Մարտին Ռայանը ձերբակալվել էր 2023 թվականի դեկտեմբերին, իսկ ավելի ուշ լրտեսության մեղադրանքով դատապարտվել 10 տարվա ազատազրկման։

Ֆրանսիան վիճարկել է դատական գործընթացը՝ համարելով այն կամայական և հիմնված անարդար դատավարության վրա։

Ֆրանսիայի և Ադրբեջանի միջև «կարգավորման ուղղությամբ քայլ» անվանող ակնհայտ դիվանագիտական առաջընթացը համընկնում է Հայաստանի և Ադրբեջանի միջև տասնամյակներ տևած պատերազմից հետո ծավալվող խաղաղության և հաշտեցման գործընթացի հետ։

Ֆրանսիան տասնամյակներ շարունակ եղել է Հայաստանի ամենաուժեղ կողմնակիցներից մեկը։

Միաժամանակ՝ Ֆրանսիայի հայտարարությունը տեղի է ունենում ԵՄ-ի կողմից Հարավային Կովկասի և Կենտրոնական Ասիայի երկրների հետ հարաբերությունների ամրապնդման ավելի լայն քաղաքական և տնտեսական գործընթացի ֆոնին։