Կրակոցներ՝ Հրազդանի կիրճում․ կասկածյալներից մեկն էլ Վայոց ձորի մարզպետի եղբոր տղան է

Սեպտեմբերի 26-ին կրակոցներ են հնչել Երևանում. գրում է shamshyan.com-ը։

«Ժամը 02:00-ի սահմաններում Ոստիկանության կենտրոնական բաժնում տեղեկություններ են ստացվել, որ Հրազդանի կիրճում՝ «Ամառ» ռեստորանային համալիրի մոտ, կրակոցներ են հնչել։

Պարզվել է, որ կրակողները նշված վայրից «Jaguar» մակնիշի ավտոմեքենայով փորձել են հեռանալ, սակայն ոստիկաններին հաջողվել է նրանց բռնել և խուլիգանություն կատարելու անմիջականորեն ծագած հիմնավոր կասկածով ձերբակալել և տեղափոխել ոստիկանության Կենտրոնական բաժին։

Նախնական տեղեկություններով՝ բերման ենթարկվածներն են Երևանի բնակիչ 22-ամյա Յուրիկ Բադալյանը և Վայոց ձորի մարզի բնակիչ 20-ամյա Աշոտ Արսենյանը։ Վերջինս Վայոց ձորի մարզպետ Վահագն Արսենյանի եղբոր տղան է»,- նշում է լրատվամիջոցը։