Բաքուն «ալբանականացնում» է Հայաստանի եկեղեցիները․ աշխատանքային խումբ է ստեղծվել
Սեպտեմբերի 22-ին Բաքվում աշխատանքային խումբ է ստեղծվել, որի նպատակն է ուսումնասիրել Հայաստանի տարածքում գտնվող եկեղեցիների ու խաչքարերի իբր «ալբանական» ծագումը։ Ադրբեջանի պետական կառույցների ու այսպես կոչված «Արևմտյան Ադրբեջանի» շրջանակների այս նախաձեռնությունը՝ մշակութային ժառանգության վերագրման նոր փորձ է, որը զուգորդվում է միջազգային հարթակներում նույն թեզերի տարածմամբ։
