Financial Times-ի տեղեկությունը, թե Իսրայելը պլանավորել էր հոկտեմբերի 10-ին հարձակվել Իրանի վրա, կեղծ է․ Նեթանյահու
Financial Times-ում հրապարակված հոդվածը, ըստ որի՝ Իսրայելը պլանավորել էր հոկտեմբերի 10-ին հարձակվել Իրանի վրա, սակայն ԱՄՆ նախագահ Դոնալդ Թրամփն արգելել է դա, կեղծ է․ այս մասին հայտարարել է Իսրայելի վարչապետ Բենիամին Նեթանյահուն։
Նա տարածվող տեղեկատվությունն անվանել է անհիմն, կողմնակալ և կեղծ։
Հիշեցնենք, որ Financial Times-ում հրապարակված հոդվածի համաձայն՝ Իսրայելը պատրաստվում էր հոկտեմբերի 10-ին լայնածավալ հարվածներ հասցնել Իրանին, սակայն գործողությունը չեղարկվել է ԱՄՆ նախագահ Դոնալդ Թրամփի առարկությունների պատճառով։
