Ադրբեջանի և Թուրքիայի նախագահների ուղերձները լավագույն պատասխանն էին նրանց, ովքեր փորձում էին փչացնել երկու երկրների հարաբերությունները. թուրք դիվանագետ
«Շուշիից Ադրբեջանի և Թուրքիայի նախագահների ուղերձները լավագույն պատասխանն էին նրանց, ովքեր փորձում էին փչացնել երկու երկրների հարաբերությունները»․ հայտարարել է Ադրբեջանում Թուրքիայի նախկին դեսպան և դիվանագետ Հուլուսի Քըլըչը։
Նրա խոսքով՝ նոյեմբերի 8-ից հետո թուրք-ադրբեջանական հարաբերությունները կզարգանան «ավելի ակտիվ և վճռական, քան նախկինում»։
«Իսկապես, երկու եղբայրական երկրները Կովկասում, Կենտրոնական Ասիայում և Մերձավոր Արևելքում խաղաղության և կայունության երաշխավորներն են։ Ահա թե ինչու տարածաշրջանի երկրներն ուշադիր հետևում են թուրք-ադրբեջանական հարաբերություններին»,- ասել է նա։
Դիվանագետը նշել է, որ երկու առաջնորդների միջև «եղբայրական ամուր կապերը և սերտ համագործակցությունը» զգալի ազդեցություն կունենան Թյուրքական պետությունների կազմակերպության ապագա գործունեության վրա։
