ԱՄՆ–ի Կանզաս Սիթի քաղաքում Super Bowl շքերթի ժամանակ հրաձգության հետևանքով զոհվել է մեկ մարդ, վիրավորվել՝ ավելի քան 22-ը։ Վիրավորում ստացածների գրեթե կեսը երեխաներ են։
Այս պահին լրատվամիջոցները հայտնում են 22 վիրավորի մասին։ Նրանցից 8-ը ստացել են կյանքին վտանգ սպառնացող հրազենային վնասվածքներ։ Մնացածը թեթև վնասվածքներ են ստացել։ Բժիշկները հայտնել են, որ հոսպիտալացվել է 11 երեխա։
Հայտնի է, որ կրակոցները կապված չեն ահաբեկչության հետ։ Սակայն կրակողների դրդապատճառները դեռ հայտնի չեն։ Ոստիկանությունն ու Կանզաս Սիթիի քաղաքապետը քաղաքացիներին խնդրել են իրավապահներին տրամադրել միջադեպի վերաբերյալ ցանկացած ապացույց։
