Իսրայելը թույլ կտա ԱՄՆ-ի կողմից ալյուրի մատակարարումը Գազայի հատված

Իսրայելը համաձայնել է թույլատրել ԱՄՆ–ից ալյուրի խմբաքանակն անցկացնել Գազայի հատվածի բնակիչներին՝ ավելի քան մեկ ամիս մատակարարումների սահմանափակումից հետո, գրում է Times of Israel-ը՝ վկայակոչելով ամերիկացի պաշտոնյային։

Փետրվարի սկզբին Axios պորտալը, վկայակոչելով ամերիկացի պաշտոնյաներին, հայտնել էր, որ Միացյալ Նահանգները մեղադրում է Իսրայելին Գազայի հատված հասնելու Վաշինգտոնի կողմից ֆինանսավորվող մարդասիրական օգնության մուտքը թույլ տալու իր պարտավորությունը խախտելու համար: Իսրայելի ֆինանսների նախարար Բեզալել Սմոտրիչը պորտալին հաստատել է, որ ալյուրի փոխանցումն արգելափակվել է այն բանից հետո, երբ հայտնի է դարձել, որ դրա ստացողը ՄԱԿ–ի Մերձավոր Արևելքում պաղեստինյան փախստականների օգնության և աշխատանքի գործակալությունն (UNRWA) է։ Միաժամանակ, Իսրայելի իշխանությունները նախապես հավանություն են տվել անկլավին ալյուրի մատակարարմանը։

«Իսրայելը համաձայնել է նոր գործարքի, որը թույլ կտա ԱՄՆ–ից ալյուրի զանգվածային մատակարարումներ Գազայի խաղաղ բնակիչներին այն բանից հետո երբ արգելափակել է մատակարարումը ավելի քան մեկ ամսով», – գրում է Times of Israel-ը:

Ըստ նոր համաձայնագրի՝ ալյուրի խմբաքանակը, որը կարող է հինգ ամսով կերակրել Գազայի 1,5 միլիոն բնակիչներին, կուղարկվի ՄԱԿ–ի Պարենի համաշխարհային ծրագրի (ՊՀԾ) կողմից, ոչ թե UNRWA-ի կողմից, հրատարակությանը հայտնել է ամերիկացի պաշտոնյան: Նրա խոսքով՝ նոր համաձայնագրի կնքումից հետո կարող է անմիջապես առաքվել։