Մոսկվայում խորհրդային լեգենդար հետախույզ Գևորգ Վարդանյանի անունով փողոց է անվանակոչվել
Մոսկվայի Նովոմոսկովյան Սոսենսկի վարչական շրջանում փողոց է անվանակոչվել՝ ի պատիվ հետախույզ, Հայրենական մեծ պատերազմի մասնակից, Խորհրդային Միության հերոս, գնդապետ Գևորգ Վարդանյանի։ Մոսկվայի քաղաքապետի հրամանագրով նույն վայրում տեղադրվել է նաեւ քանդակագործ Ալեքսանդր Գոլովաչեւի եւ ճարտարապետ Օլեգ Յակովլեւի ստեղծագործությունն հանդիսացող Գեւորգ Վարդանյանի արձանը։
Նախաձեռնությունը Ռուսաստանի հայերի միությանն է եւ ՌԴ Արտաքին հետախուզական ծառայությանը։
Այս տարի նշվում է լեգենդար հետախույզի ծննդյան 100-ամյակը․
«Նկատի ունենալով Գևորգ Վարդանյանի ներդրումը մեր երկրի անվտանգության և ներքին հետախուզության զարգացման գործում՝ նրա պատվին փողոց անվանակոչելն ընդամենը ժամանակի հարց էր»,- նշել է Մշակութային ժառանգության վարչության պետ Ալեքսեյ Եմելյանովը։
