ՆԱՏՕ–ի անդամ Ֆինլանդիան և Շվեդիան կմասնակցեն Ռուսաստանի սահմանների մոտ Nordic Response 2024 զորավարժություններին։
Շվեդիան փաստացի դարձավ ՆԱՏՕ–ի անդամ այն բանից հետո, երբ Հունգարիան վավերացրեց անդամակցելու դիմումը: Դաշինքին միանալու ակտի պաշտոնական ստորագրումը տեղի կունենա առաջիկայում։
Nordic Response զորավարժությունները կանցկացվեն Ֆինլանդիայի, Նորվեգիայի և Շվեդիայի հյուսիսային շրջաններում մարտի 4-ից 15-ը՝ 13 երկրների ավելի քան 20 հազար զինծառայողների մասնակցությամբ։ Nordic Response 2024-ը ՆԱՏՕ–ի Steadfast Defender լայնածավալ զորավարժությունների մի մասն է:
Նորվեգիայի զինված ուժերի տվյալներով՝ Nordic Response-ը ներառում է Բելգիան, Կանադան, Դանիան, Ֆինլանդիան, Ֆրանսիան, Գերմանիան, Իտալիան, Նիդեռլանդները, Նորվեգիան, Իսպանիան, Շվեդիան, Մեծ Բրիտանիան և ԱՄՆ–ը: Սպասվում է, որ զորավարժություններին կուղարկվեն ավելի քան 50 նավ, այդ թվում՝ ֆրեգատներ և սուզանավեր, ինչպես նաև 100-ից ավելի կործանիչներ, ուղղաթիռներ և այլ ինքնաթիռներ:
