Թուրքիայի մեջլիսում
ընդունվել է օկուպացված Արցախի Ակնայի շրջանում գործող ռուս-թուրքական համատեղ մոնիթորինգի
կենտրոնում թուրք զինվորականների գտնվելու ժամկետը ևս մեկ տարով երկարաձգելու մասին
օրինագիծը։ Այս մասին գրում է Milliyet պարբերականը։
Օրինագիծը մեջլիսի
քննարկմանը և ընդունմանն էր ներկայացրել Թուրքիայի նախագահ Ռեջեփ Թայիփ Էրդողանը։
Ակնայում ռուս-թուրքական
մոնիթորինգի կենտրոնը բացվել է 2021 թվականի
հունվարին։
Պաշտոնական հաղորդագրությամբ մոնիթորինգի կենտրոնի նպատակ
էր ձևակերպվել ու հռչակվել «ԼՂ-ում հրադադարի պահպանմանն ու նոյեմբերի 9-ին Հայաստանի,
Ադրբեջանի և Ռուսաստանի առաջնորդների միջև ձեռք բերված մյուս մյուս պայմանավորվածությունների
կատարմանը հետևելը»։
