«Փաշինյանից հետո ո՞վ կգայի» պատասխանը հստակ է Բագրատ սրբազանը. Վարդան Օսկանյան

Այսօրվա շարժումը, ակնհայտ է, որ ժողովրդական մեծ աջակցություն ունի. ֆեյսբուքի իր էջում ասել է ՀՀ նախկին արտգործնախարար Վարդան Օսկանյանը:

Նրա խոսքով՝ այսօրվա հասարակությունը բաժանվել է մի քանի խմբի:

«Մի փոքր խումբ թերևս պաշտպանում է Փաշինյանին: Դա այն խումբն է, որը մեղսակից է Փաշինյանի վարած սխալ քաղաքականությանը և այն բոլոր արհավիրքին, որը բերել են մեր ժողովրդի գլխին, կամ այն մարդիկ են, որոնք շատ մոտ են իշխանությանը»,-ասել է Օսկանյանը:

Նրա խոսքով՝ ժողովրդի ջախջախիչ մեծամասնությունն այսօր իսկապես փոփոխություն է ուզում, ու դրա մասին երկրորդ կարծիք լինել չի կարող: Օսկանյանը  նկատում է, որ փոփոխություն պահանջողներն էլ, իրենց մեջ և երկու խմբի են բաժանվում:

«Կա մի խումբ, որն ուզում է, որ պարզապես Փաշինյանը գնա, նրանց համար էական չէ, թե հաջորդն ով կգա ու ինչ հետևանքներ կունենա, քանի որ մտածում է, որ սրանից վատ այևս չի լինի: Բայց կա ժողովրդական մի էական հատված, որ բավականին մեծ խումբ է և ուզում են, որ Փաշինյանը գնա, նոր ղեկավարություն լինի, բայց նրանք որոշակի վերապահումներ ունեն»,- ասել է Օսկանյանը:

Օսկանյանի խոսքով՝ «ով կգա»-ի պատասխանը հստակ է, այդ մարդը Բագրատ Սրբազանն է և ցույց է տալիս հանրությանը, որ ունի անհրաժեշտ հմտությունը:

Մանրամասները՝ տեսանյութում։