ԵՄ երկրները մտադիր են հունիսի 25-ին սկսել պաշտոնական բանակցությունները Մոլդովայի և Ուկրաինայի անդամակցությունն ընդունելու վերաբերյալ․ այս մասին հայտնում է Politico թերթի եվրոպական խմբագրությունը՝ հղում անելով հինգ դիվանագետների։
Պարբերականը նշում է, որ ԵՄ անդամ երկրներն այդ մտադրության մասին հայտարարել էին դեռ 2023 թվականի դեկտեմբերին, սակայն որոշումը հետաձգվել էր Հունգարիայի անհամաձայնության և մտավախության պատճառով, որ ԵՄ ընդլայնման հարցը կարող է առանցքային թեմա դառնալ Եվրախորհրդարանի ընտրությունների համար, որը նախատեսվում է անցկացնել հունիսի 6-9-ը։
