ՀՀ իշխանությունն ու Թուրքիան նույն կերպ են մտածում շարժման մասին. Բագրատ սրբազան
ԱԺ պատգամավոր Գառնիկ Դանիելյանն անդրադարձել է ՔՊ-ական գործընկերոջ՝ Խաչատուր Սուքիասյանի հնչեցրած սպառնալիքներին:
Վերջինս նշել էր, որ ընդդիմադիրներն ու շարժմանը աջակցողները կա՛մ բանտում կհայտնվեն, կա՛մ կմահանան, կա՛մ կունեզրկվեն։
«Հայտնի օլիգարխը հազարավոր մարդկանց ճակատագրերով է խաղացել և նույն ձեռագրով ուզում է կանխել այս շարժման զարգացումը։ Նման բան չի լինելու, ինչ ուզում եք խոսեք։
Սուքիասյանի հայտարարությանը գրեթե զուգահեռ թուրքական լրատվամիջոցն է հոդված հրապարակել ու խոսել Բագրատ սրբազանի մահվան մասին։ Միթե՞ սա չի նշանակում, որ ՀՀ իշխանությունն ու Էրդողանին մոտ գտնվող լրատվամիջոցը սինքրոնացված են աշխատում»,- ասել է Գառնիկ Դանիելյանը։
Հարցին անդրադարձել է նաև Բագրատ արքեպիսկոպոս Գալստանյանը՝ նշելով, որ Թուրքիան, Ադրբեջանն ու Հայաստանի գործող իշխանությունը նույն կերպ են արտահայտվում «Տավուշը հանուն հայրենիքի» շարժմանն ու գործունեության մասին։
