FIDE Grand Swiss. hայ շախմատիստներն ու շախմատիստուհիները սկսում են պայքարը աշխարհի թագի հավակնորդների ցուցակում հայտնվելու համար

Հոկտեմբերի 25-ին բրիտանական Մեն կղզում կմեկնարկի ՖԻԴԵ-ի Grand Swiss մրցաշարը։

Հայաստանից տղամարդկանց մրցաշարին մասնակցում են Հայկ Մարտիրոսյանը,
Գաբրիել Սարգսյանը, Հրանտ Մելքումյանը, Շանթ Սարգսյանը, Սամվել Տեր-Սակակյանը և Մանուել
Պետրոսյանը: Կանանց մրցաշարին մասնակցում են Էլինա Դանիելյանը և Մարիամ Մկրտչյանը:

Յուրաքանչյուր մրցաշարում 1-ին և 2-րդ տեղերը զբաղեցրած շախմատիստները
իրավունք են ստանում մասնակցելու 2024 թվականի աշխարհի թագի հավակնորդների մրցաշարին։

Տղամարդկանց մրցաշարին մասնակցում է նաև Հայաստանի հավաքականի
նախկին առաջատար, այժմ ԱՄՆ-ն ներկայացնող Լևոն Արոնյանը, ով 114 մասնակիցներից վարկանիշով
7-րդն է և համարվում է առաջնության ֆավորիտներից մեկը: