Պակիստանում ձերբակալել են նախկին վարաչապետին և կնոջը

Պակիստանի դատարանը նախկին վարչապետ Իմրան Խանի և նրա կնոջ կալանքի որոշում է կայացրել մինչև հուլիսի 22-ը․ այս մասին հայտնում է Geo-ն։

Աղբյուրի համաձայն՝ ձերբակալության համար հիմք է հանդիսացել Տոշախանայի պետական գանձարանից նվերներ ստանալու համար լիազորությունները չարաշահելու նոր մեղադրանքը։

Ավելի վաղ Իսլամաբադի դատարանը բավարարել էր Խանի և նրա կնոջ բողոքը՝ բեկանելով անօրինական ամուսնության գործով դատավճիռը։

Խանը Պակիստանի վարչապետի պաշտոնը զբաղեցրել է 2018-2022 թվականներին։ Նա պաշտոնանկ արվեց իր նկատմամբ անվստահություն հայտնելուց հետո։

2023 թվականին նախկին վարչապետը կալանավորվել էր Թոշախանեի պետական գանձարանում պահվող թանկարժեք իրերի վաճառքի վերաբերյալ խարդախության գործով։