Իշխանականների դեմ դատավարություն եմ սկսելու. Բագրատ սրբազան
Այս իշխանության դեմ զրպարտության հոդվածով դատավարություն եմ սկսելու․ այսօր Սուրբ Աննա եկեղեցու բակում ասաց «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանը։
«Փողկապավոր նեռը ինձ զրպարտել է։ Ասել է հունիսի 12-ին իբր ես հատուկ հրամայել եմ ուժայիններին՝ հանել սաղավարտները, հետո շարժման մասնակիցներին ասել՝ քարերով խփեք նրանց։ Սա զրպարտություն ու սուտ է։ Ինչպե՞ս կարելի է նման հայտարարություն տալ»,- ասաց Բագրատ սրբազանը։
Սրբազանը ընդգծեց՝ մեր երկրում բոլորը հայտարարություն անողները պետք է պատասխանատվություն կրողներ լինեն։ Ոչ մի հայտարարություն ուղղակի չպետք է լինի։
«Մենք դատավարություն ենք սկսելու և մինչև վերջ գնանք։ Տեսնենք՝ ով կսկսի այդ դատավարությանը։ Կհամոզվենք՝ մեր երկրում գործող դատական համակարգ կա՞»,- ելույթում ասաց Բագրատ արքեպիսկոպոս Գալստանյանը։
