Վրաստանի արևմուտքում 10 հազար տարի առաջ ապրած երեխայի կմախք են հայտնաբերել

Վրաստանի արևմուտքում հնագետները հայտնաբերել են մարդու կմախք, ով ապրել է մոտ 10 հազար տարի առաջ․ գրում է Грузия онлайн պորտալը։

Եզակի հայտնագործությունը կատարվել է Սաչխերեի մունիցիպալիտետի Բոնդի քարանձավում։ Մնացորդներով թումբը ծածկված է եղել քարերով, ինչը, ինչպես նշում են գիտնականները, բնորոշ է հնագույն թաղման ծեսերին։

Նախնական գնահատականներով կմախքը պատկանում է մինչև 12 տարեկան երեխայի։ Մոտ ապագայում գիտնականները պետք է ուսումնասիրեն հին մարդու ոսկորից ստացված ԴՆԹ-ն։ Հետազոտությանը մասնակցելու են փորձագետներ Մեծ Բրիտանիայից, ԱՄՆ-ից և Ճապոնիայից։

Վերլուծությունները լույս կսփռեն վաղ միգրացիայի և եվրոպական նախաքաղաքակրթությունների պատմության վրա: