Օկուպացված Քարվաճառում ադրբեջանցի 2 զինծառայողի դի է հայտնաբերվել. հայտնում են ադրբեջանական ԶԼՄ-ները՝ հղում անելով պաշտոնական գերատեսչությունների համատեղ հայտարարությանը։
Նշվում է, որ Ֆարիդ Մամեդովը և Ֆիրդովսի Աբդուլլաևն անհետացել էին 2022 թվականի մարտի 3-ին Քաշաթաղի շրջանում՝ մի մարտական դիրքից մյուսն անցնելու ժամանակ: Ադրբեջանում պարզել են, որ զինծառայողները մահացել են ցրտահարումից:
Զինծառայողների գործով զորամասի հրամանատար Սամիր Խազիևի նկատմամբ խափանման միջոց է ընտրվել կալանավորումը։
