Մեծ Բրիտանիան, ԱՄՆ-ը և ԵՄ-ն, ինչպես նաև մի քանի այլ երկրներ առաջին իրավաբանորեն պարտավորեցնող միջազգային պայմանագիրն են ստորագրել արհեստական բանականության կիրառման մասին։
Պայմանագրով խրախուսվում են նորարարությունները, միևնույն ժամանակ փաստաթուղթը նպատակ ունի նվազեցնել ռիսկերը, որոնք կարող է արհեստական բանականության կիրառումը ներկայացնել մարդկությանը։
Պայմանագրով իրավական հիմք է ստեղծվում՝ վերաբերող արհեստական բանականության համակարգերի «ամբողջ կյանքի ցիկլին»։ Պայմանագիրը ստորագրած երկրները պարտավորվում են նաև ապահովել, որ արհեստական ինտելեկտի կիրառման բացասական այս կամ այն հետևանքից տուժածները կարողանան իրենց շահերը պաշտպանել դատարանում։
