Ռուսաստանի և Իրանի միջև համապարփակ գործընկերության մասին համաձայնագիրը կարող է ստորագրվել հոկտեմբերին Կազանում կայանալիք BRICS-ի գագաթնաժողովում։ «TACC» լրատվական գործակալության հետ զրույցում ասել է Ռուսաստանում Իրանի դեսպան Քազեմ Ջալալին։
«Այս հարցի շուրջ մենք խոսել ենք մեր ռուս գործընկերների հետ։ Հոկտեմբերին հնարավորությունը մեծ է»,- ընդգծեց դիվանագետը՝ պատասխանելով Ռուսաստանի հետ համաձայնագրի ստորագրման ժամկետների մասին հարցին։
Միաժամանակ Ջալալին չի բացառել, որ կողմերը կարող են հետաձգել նշված փաստաթղթի ստորագրումը առանձին հանդիպման համար, որը կարող է կայանալ կա՛մ Թեհրանում, կա՛մ Մոսկվայում։
