«Լրագրողներ առանց սահմանների» կազմակերպությունը (RSF) դատապարտում է կառավարությունների ակտիվ դերը 2015 թվականից ի վեր առևանգվել և անհետ կորել է 19 մեդիա մասնագետների ճակատագրի և գտնվելու վայրի շուրջ լռություն պահպանելու գործում: RSF-ն կոչ է անում իշխանություններին անել ամեն ինչ, որպեսզի այդ լրագրողների ճակատագրերը հայտնի դառնան և նրանք ազատ արձակվեն։
«Այսօր աշխարհի լրագրողների կեսից ավելին, ովքեր անհետացել են վերջին տասը տարիների ընթացքում, բռնի անհետացման զոհ են դարձել. RSF-ի հաշվարկով՝ դա 32 լրագրողներից 19-ն է, ովքեր անհետացել են վերջին տասնամյակում:
Կառավարությունները ուղղակիորեն պատասխանատու են դրա համար, քանի որ, ըստ սահմանման, «հարկադիր անհետացումը» վերաբերում է ազատությունից զրկմանը պետական գործակալների կողմից, ովքեր ժխտում կամ թաքցնում են անհայտ կորած անձի ճակատագիրը և գտնվելու վայրը: Այն ժամանակ, երբ բռնի անհետացումների թիվը շարունակում է աճել, RSF-ն անհանգստացած է որոշ իշխանությունների ակտիվ դերով լրագրողների ձայնը խլացնելու գործում՝ ի վնաս նրանց ազատության: RSF-ն կոչ է անում համընդհանուր վավերացնել բռնի անհետացումներից բոլոր անձանց պաշտպանության մասին միջազգային կոնվենցիան, որն ընդունվել է Միավորված ազգերի կազմակերպության Գլխավոր ասամբլեայի կողմից 2006 թվականին, սակայն մինչ օրս ստացել է ընդամենը 75 վավերացում»,- նշվել է հայտարարության մեջ:
Ընդգծվել է, որ 12 երկրների թվում են Ուկրաինան, Մալին, Չինաստանը, Բուրկինա Ֆասոն, Նիկարագուա, Սիրիան, Պաղեստինը և այլն։
