Ճապոնիայի կայսրը հաստատել է երկրի նոր կառավարության կազմը

Ճապոնիայի կայսր Նարուհիտոն հաստատել է Ճապոնիայի նոր կառավարության կազմը, այն ղեկավարելու է վարչապետ Շիգերու Իշիբան։ Պաշտոնական արարողությունը տեղի է ունեցել այսօր՝ Տոկիոյի կայսերական պալատում, հայտնում է Kyodo գործակալությունը։

Կայսեր  կողմից նախարարների կաբինետի կազմի հաստատումը պարտադիր ընթացակարգ է, որն ամրագրված է Ճապոնիայի Սահմանադրության մեջ։

Արարողության ժամանակ նախարարները հերթով կայսրից ստանում են հատուկ փաստաթուղթ՝   նշանակման ծանուցում՝ նրա ստորագրությամբ։

Ճապոնիայի նոր կառավարությունում արտաքին գործերի և պաշտպանության նախարարներ են նշանակվել   գերատեսչությունների նախկին ղեկավարները՝   Տակեշի Իվայան և Գեն Նակատանին։ Կացունոբու Կատոն նշանակվել է ֆինանսների նախարար։

Կառավարության 20 անդամներից 13-ը առաջին անգամ են նշանակվել նախարարների պաշտոններում։ Կառավարության կազմում երկու կին կա։