Հայտարարել ենք ընդդիմությանը միանալու մասին, անուն-ազգանուն չենք տվել. Կարեն Սիմոնյան
Մենք հայտարարել ենք, որ միանում ենք ընդդիմությանը, անուն–ազգանուն չենք տվել. ABC media–ի հետ զրույցում ասել է «Մայր Հայաստան» դաշինքի Գյումրու քաղաքապետի թեկնածու Կարեն Սիմոնյանը՝ մեկնաբանելով Մարտուն Գրիգորյանի հայտարարությունն այն մասին, որ Ռուբեն Մխիթարյանն ու Կարեն Սիմոնյանը չեն քննարկել իր հետ որոշումն ու իրեն դրել են բարդ ընտրության առաջ։
«Այստեղ սխալ կա, որովհետև եթե դուք լսած լինեք իմ հետընտրական եթերը, որտեղ դիմում եմ գյումրեցիներին ու հայտնում ընդդիմությանն աջակցելու մասին, այնտեղ անուն–ազգանուն չկա. ընդդիմությանն ենք աջակցում, որպեսզի իշխանազրկենք «Քաղաքացիական պայմանագրին»։ Եվ արհեստածին բաների մասին, որ կարող ենք նաև մենք դառնալ քաղաքապետը կամ, մյուսը դառնա, այս պահին չեմ ուզում խոսել: Սա քաղաքականություն է և պահանջում է իր կանոններով շարժվել, և քանի որ ժողովրդի քվե կա, չես կարող քվեի հետ հաշվի չնստել։ Ի վերջո՝ ընդհանուր Գյումրիի բնակչությունը հո կրակը չի՞ ընկել։ Դրա համար մենք ընտրական լայվով տեղեկացրել
ենք, որ մենք աջակցելու ենք ընդդիմությանը, որպեսզի իշխանազրկենք ՔՊ-ին»,-ասել է նա։
Սիմոնյանի խոսքով՝ ողջունելի է, որ Քաղաքացիական պայմանագիրը իշխանազրկվում է Գյումրիում։
