Թեհրանը դեմ է պատերազմի ժամանակավոր դադարին․ Արաղչի
Իրանի արտաքին գործերի նախարար Աբբաս Արաղչին հարցազրույց է տվել ճապոնական Japantimes-ին ու խոսել Հորմուզի նեղուցի, հրադադարի և այլ հարցերի մասին։
Լրատվամիջոցի փոխանցմամբ՝ պաշտոնյան ասել է, որ Իրանը պատրաստ է թույլ տալ, որ ճապոնական նավերը անցնեն Հորմուզի նեղուցով, և արդեն բանակցություններ են ընթանում այդ հարցով։
«Պատերազմից հետո Պարսից ծոցի երկրները պետք է նոր կանոններ մշակեն Հորմուզի նեղուցով անցնելու համար՝ Իրանի և տարածաշրջանի շահերին համապատասխան»,- նշել է նա։
Աբբաս Արաղչին, անդրադառնալով ժամանակավոր հրադադարի մասին խոսակցություններին, ընդգծել է՝ Թեհրանը դեմ է ռազմական գործողությունների ժամանակավոր դադարին։ «Պատերազմը պետք է ավարտվի ամբողջովին»,- հավելել է նա։
