Ռուսաստանը փոփոխություններ է կատարել միջուկային դոկտրինում
Ռուսաստանի նախագահ Վլադիմիր Պուտինը հրամանագիր է ստորագրել՝ հաստատելով նորացված միջուկային դոկտրինը՝ միջուկային զսպման ոլորտում պետական քաղաքականության հիմունքները։ Համապատասխան փաստաթուղթը հրապարակվել է։
Դոկտրինի հիմնական սկզբունքը` միջուկային զենքը հանդիսանում է երկրի ինքնիշխանության պաշտպանության վերջին միջոցը: Միաժամանակ, նոր ռազմական սպառնալիքների ու ռիսկերի ի հայտ գալու պատճառով Ռուսաստանը պետք է հստակեցներ միջուկային զենքի կիրառման պարամետրերը։
Մասնավորապես, ընդլայնվել է միջուկային զսպման ենթակա պետությունների և ռազմական դաշինքների կատեգորիան։ Ավելացվել է ռազմական սպառնալիքների ցանկը, որոնք պահանջում են նման գործողությունների չեզոքացում։
Ցանկացած ոչ միջուկային պետության ագրեսիան, բայց միջուկային երկրի մասնակցությամբ կամ աջակցությամբ, կդիտարկվի որպես համատեղ հարձակում Ռուսաստանի Դաշնության վրա։ Բացի այդ, Ռուսաստանի կողմից միջուկային պատասխանը հնարավոր է իր ինքնիշխանությանը կրիտիկական սպառնալիքի դեպքում, նույնիսկ սովորական սպառազինությամբ, Բելառուսի վրա հարձակման դեպքում՝ որպես Միութենական պետության անդամ, ռազմական ինքնաթիռներով զանգվածային հարձակման դեպքում, թևավոր հրթիռների, անօդաչու թռչող սարքերի և այլ ինքնաթիռների դեպքում, որոնք կհատեն Ռուսաստանի սահման։
