Նավթային ագրեսորը երբեք չպետք է հյուրընկալեր COP29-ը ԼՂ-ում էթնիկ զտումներից հետո․ միջազգային մամուլ

Բաքվում ՄԱԿ-ի կլիմայի շուրջ բանակցությունների կեսից ավելին անցել է, սակայն մոտ 200 երկրների բանակցողները հեռու են մի շարք առանցքային հարցերի շուրջ համաձայնության գալուց, գրել է The New York Times-ը։

Երկրները փորձում են համաձայնության գալ կլիմայի փոփոխության հետևանքներից տուժած զարգացող երկրներին տրիլիոնավոր դոլարներ տրամադրելու ծրագրի շուրջ, սակայն տարաձայնություններն առկա են այն հարցի շուրջ, թե որքա՞ն գումար է պետք տրամադրել, ինչպիսի՞ ֆինանսավորման ջանքեր պետք է հաշվի առնվեն ընդհանուր նպատակին հասնելու համար և ինչպե՞ս ստացող երկրները պետք է հասանելիություն ստանան ֆոնդերին:

Սակայն ընդամենը չորս օր է մնացել COP-ի ավարտնի, և շատ մասնակիցներ մտավախություն ունեն, որ սա կարող է լինել առաջին գագաթնաժողովը 2009 թվականի Կոպենհագենի բանակցություններից հետո, որն ավարտվում է առանց գործարքի:

«Մեծ վտանգ կա, որ գագաթնաժողովը կարող է փլուզվել», – նշել է եվրոպական խոշոր երկրի ավագ բանակցողն անանունության պայմանով, քանի որ նրանք իրավասու չէին հրապարակայնորեն խոսել:

Միավորված ազգերի կազմակերպության կլիմայի հարցերով ղեկավար Սայմոն Սթիլը երկրներին խնդրել է դադարեցնել վեճերը և համաձայնության գալ՝ հավելելով, որ «սա բառացիորեն ոչ մի տեղ գնալու բաղադրատոմս է»:

Որոշ դիվանագետներ վրդովմունք են հայտնել ադրբեջանցի նախարար Մուխթար Բաբաևի պահվածքի վերաբերյալ, ով կլիմայի գագաթնաժողովի նախագահն է: Անցյալ շաբաթ ընթացող մի շարք ավելի փոքր հարցեր լուծելու փոխարեն, բանակցություններն ընթացան արագընթաց տեմպերով, և վեճերի շատ կետեր մնացին չլուծված:

Time պարբերականն, իր հերթին, հարցադրում է, թե ինչպե՞ս Ադրբեջանը դարձել COP29-ի հյուրընկալողը: Նրա հաջողության բանալին կարող է լինել աշխարհի որոշ էլիտաներին սիրաշահելը։ Ադրբեջանն այսպիսի միջոցառումների միջոցով փորձում է շեղել ուշադրությունն Ալիևի կառավարության հասցեին հնչող քննադատությունից։

Հաշվի առնելով Ադրբեջանի կողմից բնապահպանության կիրառումն` արդարացնելու այն, ինչ առաջատար իրավապաշտպան խմբերը համարում են էթնիկ զտումներ Լեռնային Ղարաբաղում, COP29-ն իր ավտոկրատական և թշնամական միտումները, ներառյալ Հայաստանի դեմ ներխուժման շարունակական սպառնալիքները, ջնջելու վերջին փորձն է:

«Շատ մարդիկ պնդում են, որ նավթային ագրեսորը երբեք չպետք է հյուրընկալեր COP29-ը, բայց այն, ինչ արված է, արված է: Այժմ հարցն այն է, թե արդյո՞ք ՄԱԿ-ի կլիմայական կոնֆերանսի ժամանակ տարբեր երկրների ղեկավարներ և ավելի քան 180 երկրների ներկայացուցիչներ համարձակություն կունենան խոսելու ադրբեջանցի քաղբանտարկյալների և հայ պատանդների իրավունքների մասին, այդ թվում՝ նրանց հետ հանդիպելու և բարձրացնելու Լեռնային Ղարաբաղի էթնիկական մաքրման ենթարկված հայ բնակչության անվտանգ վերադարձի հարցը», – նշվել է հոդվածում։