Որևէ ուժի առավելության դեպքում մեր համայնքում սպանությունները շարունակվելու են. Փարաքարի համայնքապետի թեկնածու
Ես համայնքի խնդիրները բաժանում եմ երկու մասի՝ նյութական և ոչ նյութական։ Նյութական խնդիրները վերաբվերում են ենթակառուցվածքների բարելավմանը, բայց ինձ համար կան ավելի կարևոր՝ ոչ նյութական խնդիրներ՝ փոխըմբռնման միջավայր ստեղծելը և վախի մթնոլորտը մեր համայնքից արմատախիլ անելը. լրագրողների հետ զրույցում ասել է Փարաքարի քաղաքապետի թեկնածու Գոռ Սարիբեկյանը։
Լրագրողի հարցին, թե ումի՞ց են վախենում բնակիչները, Սարիբեկյանն ասել է՝ տարբեր ուժերից՝ հանցավոր և ոչ հանցավոր, ռեսուրսային և ոչ ռեսուրսային։
«Ես միակ այլընտրանքն եմ, որ ապահովում է համայնքում բալանսավորված կառավարումը։ Ես չեմ հարում որևէ քաղաքական կամ կլանային ուժի։ Ես որևէ մեկին միավորվելու պարտավորություն և ցանկություն չունեմ, որովհետև որևէ ուժի առավելության դեպքում մեր համայնքում սպանությունները շարունակվելու են, այդ իսկ պատճառով ես միակ այլընտրանքային ուժն եմ, որ ապահովվելու է մեր համայնքում բալանսավորված կառավարումը»,- ասել է թեկնածուն։
