«Սթրայքբոլի գործով» անցնող Անդրանիկ Չամիչյանի նկատմամբ կիրառվեց տնային կալանք
ՀՅԴ ՀԵՄ անդամ Անդրանիկ Չամիչյանի խափանման միջոցը փոխվել է. նրա նկատմամբ կիրառվել է տնային կալանք. հայտնել է փաստաբան Ռուբեն Մելիքյանը:
Փաստաբանը լրագրողների հետ զրույցում նշել է, որ տնային կալանքի վերաբերյալ որոշումն ուժի մեջ կմտնի երկու օրից:
Հիշեցնենք՝ Չամիչյանը կալանավորվել էր հուլիսի 11-ին. նրա նկատմամբ հարուցվել էր հանրային քրեական հետապնդում՝ ՀՀ Քրեական օրենսգրքի 308-րդ հոդվածի 1-ին մասով՝ ահաբեկչության նախապատրասություն:
