Վիճաբանություն ԱԺ-ում՝ անհետ կորածների ծնողների հետ հանդիպման ընթացքում
Ազգային ժողովում անհետ կորածների ծնողների հետ հերթական հանդիպումը վիճաբանության է վերածվել: Լեզվակռիվ է սկսվել ԱԺ պատգամավոր Գեղամ Նազարյանի ու ծնողների միջև:
«Լեզվակռից եղավ, ուրիշ ոչինչ չկա. ամեն ինչ նույնն է՝ ինչ հինգ տարի առաջ»,- լրագրողների հետ զրույցում հայտնել է անհետ կորածներից մեկի հարազատ Արսեն Բաբայանը։
Գեղամ Նազարյանի խոսքով՝ թյուրըմբռնում է եղել զոհված և անհետ կորած զինծառայողների ընտանիքների հետ զրույցի ընթացքում: Վիճաբանությունն էլ սկսվել է զոհերի մարմիններից ու մասունքներից հրաժարվելու հարցի քննարկման ընթացքում: Պատգամավորի խոսքով՝ կան մարմիններ ու մասունքներ, որոնք ճանաչելի են, բայց ծնողները հոգեբանորեն չեն ընդունում որդիների զոհվելու հանգամանքը:
