Իրավապահները թույլ չեն տալիս Գեղամ Մանուկյանին մտնել Գյումրու քաղաքապետարան
Գեղամ Մանուկյանը փորձում է մտնել Գյումրու քաղաքապետարանի շենք, սակայն ոստիկանությունը նրան թույլ չի տալիս։ Մուտքը փակ է նաև լրագրողների համար։ Մանուկյանը ոստիկանությանը հորդորեց բացել ճանապարհը։
«Հանրային տարածք է, քաղաքապետարանն է, ուզում ենք ներս մտնել, ասեք թող պատասխանատուները բացեն ճանապարհը»,-ասել է Մանուկյանը։
Հիշեցնենք, որ վաղ առավոտից Գյումրու քաղաքապետարանում քննչական գործողություններ են ընթանում։
Հակակոռուպցիոն կոմիտեի հայտարարության համաձայն՝ Գյումրի համայնքի մի խումբ պաշտոնատար անձանց կողմից խոշոր չափերով կաշառք ստանալու, վերջիններիս կաշառք տալու մեղադրանքներով ձերբակալվել է 8 անձ։
