Իրական անկախությո՞ւն, թե՞ ինքնիշխանության կորուստ․ «Коммерсантъ»-ի անդրադարձը Փաշինյանի և ընդդիմության տեսակետների տարբերությանը

Հայաստանը նշեց անկախության 35-ամյակը։ Սակայն, ըստ Նիկոլ Փաշինյանի, հանրապետությունը միայն վերջերս է հասել անկախության և ազատության, քանի որ այն միայն հիմա է նշում այս օրը «խաղաղության մեջ, այլ ոչ թե պատերազմի»։ Սակայն հայկական ընդդիմությունն այս կայունությունը դիտարկում է բոլորովին այլ կերպ․ գրում է «Коммерсантъ»-ը։

ՀՀ անկախության 35-ամյակին նվիրված ուղերձում ՀՀ կառավարության գլխավոր թեզը «հայոց երազանքի» իրականացումն էր՝ ավելի արդար, անկախ, միասնական, ինքնիշխան և ժողովրդավարական դառնալու մասին։ Եվ, ինչպես նկատում է լրատվամիջոցը, բոլորը չէ, որ համաձայն էին այս թեզի հետ։

Ինչպես և սպասվում էր, այն գործոնները, որոնք իշխանությունները համարում են կայունության նշան, հայկական ընդդիմության կողմից դիտվում են որպես լուրջ սպառնալիքներ և ինքնիշխանության կորուստ։ Սակայն Հարավային Կովկասում, և, հետևաբար, հենց Հայաստանում, իրականությունը փոխվում է նույնիսկ առանց դրա։ Եվ որոշ առումներով՝ սա երկիրը դնում է 35 տարի առաջվա հանգամանքներին ինչ-որ չափով նման իրավիճակում։

«Ինչպես 1991 թվականին, այնպես էլ հիմա պարզ է, որ հնին վերադարձն անհնար է, բայց նորը նաև բազմաթիվ ռիսկեր, վտանգներ և անկանխատեսելիություն է պարունակում», -Telegram-ի իր ալիքում գրել է Ռուսաստանի արտաքին գործերի նախարարությանը կից միջազգային հետազոտությունների ինստիտուտի փորձագետ Սերգեյ Մարկեդոնովը։