«Տավուշը հանուն հայրենիքի» շարժումը, Բագրատ արքեպիսկոպոս Գալստանյանի գլխավորությամբ, Մարդու իրավունքների պաշտպանի գրասենյակի դիմաց է։
«Իմացանք, որ ՄԻՊ խոսնակը գալիս է հանդիպման։ Տեսեք տարբերությունը, բոլոր գերատեսչությունների դիմաց ոստիկանական ահռելի շարքեր էին, ՄԻՊ-ի դիմաց չկան»,-նկատել է Բագրատ Սրբազանը։
Նա նշել է, որ կա՛մ ուզում են ցույց տալ, որ ՄԻՊ-ը իրոք ծառայում է մարդկանց, կամ ՄԻՊ-ն իրենց համար կարևոր չէ։ Նշենք, որ ՄԻՊ մամուլի պատասխանատուն է իջել դիմավորելու Սրբազանին։
«Մինչև չորս հոգի, Սրբազանի գլխավորությամբ, կկարողանան հանդիպել Անահիտ Մանասյանի հետ, նա պատրաստ է ընդունել ձեզ»,-նշել է ՄԻՊ խոսնակը։
Լրատվամիջոցների մուտքը, սակայն, չի թույլատրվում:
