Երևան-Սևան ճանապարհին տեղի ունեցած պայթյունի հետևանքով բաց կրակ չկա, տուժել է 7 քաղաքացի. ՆԳՆ

Երևան֊Սևան ճանապարհին տեղի ունեցած պայթյունի հետևանքով ժամը 08։20-ի դրությամբ բաց կրակ չկա, իրականացվում է հովացման աշխատանքներ. այս մասին գրել է ՆԳՆ խոսնակ Նարեկ Սարգսյանը։

«Տուժել են 7 քաղաքացի, որոնցից 1-ը դուրս է գրվել։

Նախնական տվյալներով զոհեր չկան։

Երևան-Սևան ավտոճանապարհի 16-18-րդ կմ-ն երկկողմանի փակ է:

Դեպքի վայրում են գտնվել ՆԳՆ ՓԾ տնօրեն-ներքին գործերի նախարարի տեղակալ փ/ծ գեներալ-մայոր Կ․Ցուցուլյանը, ՓԾ տնօրենի տեղակալներ և այլ պաշտոնատար անձինք»,- գրել է Սարգսյանը։