Ուկրաինան չի մասնակցի ՄԱԿ-ի Անվտանգության խորհրդի նիստին

Կիևը չի մասնակցի ՄԱԿ-ի Անվտանգության խորհրդի՝ (ԱԽ) արևմտյան երկրների կողմից Ուկրաինայի Զինված ուժերին սպառազինությունների մատակարարման հարցով նիստին, որը նախագահելու է Ռուսաստանը։ Համապատասխան հայտարարությունը Telegram-ում հրապարակել է Ուկրաինայի արտաքին գործերի նախարարությունը։

Ուկրաինայի ԱԳՆ-ն հավելել է, որ Կիևը պատրաստ է մասնակցել ՄԱԿ-ի Անվտանգության խորհրդի նիստերին, որոնք ղեկավարում է Մոսկվան միայն այն դեպքում, եթե անհրաժեշտություն լինի հրատապ տեղեկություն փոխանցել կազմակերպությանը։