Իրանը ԱՄՆ-ից միջուկային ծրագրի վերաբերյալ որևէ գրավոր առաջարկ չի ստացել. Արաղչի
Իրանը միջուկային ծրագրի վերաբերյալ գրավոր առաջարկ չի ստացել Միացյալ Նահանգներից ո՛չ ուղղակիորեն, ո՛չ էլ անուղղակիորեն. գրել է Իրանի արտգործնախարար Աբբաս Արաղչին:
«Իրանը շարունակում է վճռական և ուղիղ լինել. հարգեք մեր իրավունքները և դադարեցրեք ձեր պատժամիջոցները, և մենք կունենանք համաձայնագիր», – գրել է նախարարը:
Նա հավելել է, որ Իրանը ոչ մի պարագայում չի հրաժարվի խաղաղ նպատակներով միջուկային ծրագիր զարգացնելու իրավունքից և չի հանդուրժի որևէ պարտադրանք:
