Իրանում համաձայնության են եկել երկրի գերագույն առաջնորդի ընտրության հարցում

Իրանի Փորձագետների խորհրդի անդամ Մոհամմադ-Մեհդի Միրբաղերին հայտարարել է, որ խորհուրդը համաձայնության է եկել երկրի գերագույն առաջնորդի ընտրության հարցում․ РИА Новости-ի փոխանցմամբ՝ գրել է Mehr գործակալությունը։

«Փորձագետների խորհրդի հարգարժան անդամներն այս օրերին ջանք են գործադրել, որպեսզի որոշում կայացնեն գերագույն առաջնորդի հարցում, և նրանք չհիասթափեցրին։ Ձևավորվել է հստակ և միաձայն դիրքորոշում, որ արտահայտում է մեծամասնության կարծիքը»,- ասել է Միրբաղերին։