Երևանը նշում է հիմնադրման 2808-ամյակը

Այսօր Հայաստանի մայրաքաղաք Երևանը նշում է իր հիմնադրման հերթական տարեդարձը: Մայրաքաղաքի տոնն ավանդաբար նշվում է հոկտեմբերի 2-րդ շաբաթ օրը։ Այս տարի այն նշվելու է շաբաթ և կիրակի օրերին։

Քաղաքապետարանից հայտնել են, որ մայրաքաղաքի տարբեր վարչական շրջաններում, պուրակներում և հրապարակներում կազմակերպվել են մշակութային ու երաժշտական միջոցառումներ, բացօթյա համերգներ (ջազ, ռոք, դասական և ժողովրդական երաժշտություն), ցուցահանդեսներ և մանկական ծրագրեր:

Տոնական ծրագրերով պայմանավորված՝ քաղաքի փոքր կենտրոնի որոշ փողոցներում երթևեկությունը ժամանակավորապես սահմանափակված է:

Շնորհավո՛ր տոնդ, Երևան դարձած մեր Էրեբունի։