Բագրատ Սրբազանը կալանավորվեց 2 ամիս ժամկետով

Ավելի քան 3 ժամ տևած դատական նիստից հետո դատարանը հրապարակել է Բագրատ արքեպիսկոպոս Գալստանյանի վճիռը. դատարանը որոշում է կայացրել Սրբազանին կալանավորել 2 ամսով։

Փաստաբան Հովհաննես Խուդինյանն ասել է՝ թեպետ վճիռն սպասելի էր, այդուամենայնիվ, բողոքարկելու են, քանի որ այն ապօրինի է։

«Այս դատը քննվում էր ապօրինի դատական կազմով. Մասիս Մելքոնյանը բացարկի ենթակա դատավոր էր»,- ասել է Խուդինյանը։

Թե ուր են տեղափոխելու Բագրատ Սրբազանին, դեռևս հայտնի չէ։

Հիշեցնենք՝ նրան մեղադրանք է առաջադրվել ահաբեկչության, զանգվածային անկարգություն հոդվածներով: