Փաշինյանի վարքագիծը ամոթ է բերում իրեն և Հայաստանին․ Eurasianet

Վարչապետ Նիկոլ Փաշինյանի և Հայ Առաքելական Եկեղեցու առաջնորդների միջև թշնամանքը խորանում է։ Դատելով հանրային արձագանքից՝ հայ քաղաքացիները հոգնել են մանկական վիճաբանություններից. գրել է Eurasianet-ը։

Ինչպես նշվել է, ընդհանուր կարծիքը, կարծես, այն է, որ Փաշինյանի վարքագիծը ամոթ է բերում իրեն և Հայաստանին։
Կայքը նկատել է, որ ՀՀ վարչապետն ինքն իր հեղինակությանն այնպիսի վնաս է հասցրել, որը դժվարացնում է Փաշինյանի համար իր՝ «Իրական Հայաստան» ծրագիրը վաճառելը։

Ծրագիրը, որը կոչ է անում հայերին կենտրոնանալ ապագայի վրա և ընդունել Ադրբեջանի հետ խաղաղության համաձայնագիրը՝ երեք տասնամյակ տևած հակամարտությունը կարգավորելու համար, լայն հանրության կողմից կասկածի տակ է առնվում։ Հունիսի 22-ին հրապարակված հասարակական կարծիքի հարցման արդյունքները ցույց են տալիս, որ հայերի ավելի քան երկու երրորդը չի հավատում, որ Հայաստանի համար հնարավոր է կարգավորել հարաբերությունները Ադրբեջանի հետ։