ԱՄՆ Ազգային անվտանգության խորհրդի խոսնակ Ջոն Քիրբին ճեպազրույցի
ժամանակ նշել է, որ ԱՄՆ-ն շարունակում է խորապես մտահոգված մնալ Լաչինի միջանցքի փակ
լինելու հանգամանքով։
«Մենք ցանկանում ենք այդ միջանցքը կրկին բաց տեսնել։ Մենք շարունակում
ենք կոչ անել Ադրբեջանի կառավարությանը՝ արագ վերականգնել միջանցքով առևտրային, հումանիտար
և մասնավոր մեքենաների ազատ տարանցումը: Մենք պահպանել ենք երկխոսությունն ու դիվանագիտությունը
տարբեր մակարդակներում, և դա շարունակվում է՝ սկսած Ազգային անվտանգության խորհրդից,
պարոն Ջեյք Սալիվանից և պարոն Ֆայներից մինչև Պետքարտուղարություն։ Նկատի ունեմ՝ մենք
կանոնավոր կերպով աշխատում ենք՝ տեսնելու՝ արդյոք դիվանագիտական ճանապարհով կարո՞ղ
ենք ավելի լավ արդյունքի հասնել»,-ասել է խոսնակը:
