Սա պատերազմի միջանցք է. Իրանի խորհրդարանի փոխխոսնակը` «Թրամփի ճանապարհ» -ի մասին
Սա պատերազմի միջանցք է, ոչ թե խաղաղության․ իրանական լրատվամիջոցների հետ զրույցում ասել է Իրանի խորհրդարանի փոխխոսնակ Ալի Նիկզադը՝ քննադատելով «Թրամփի ճանապարհը» Սյունիքով։
«Անհասկանալի է, թե ինչու է Թրամփը միջամտում Միացյալ Նահանգներից 13 հազար կմ հեռավորության վրա գտնվող տարածաշրջանի գործերին։ Բացի այդ, եթե սա առևտրային միջանցք է, ապա ինչո՞ւ է Միացյալ Նահանգները ցանկանում այնտեղ ռազմականացված կոնտինգենտ տեղակայել», – ասել է փոխխոսնակը։
Նա կոչ է արել Հայաստանին և Ադրբեջանին պահպանել «նախորդ համաձայնագիրը»։
