Վլադիմիր Պուտինը չի պատրաստվում հանդիպել Վլադիմիր Զելենսկիի հետ․ Լավրով
ՌԴ նախագահ Վլադիմիր Պուտինը չի պատրաստվում հանդիպել Վոլոդիմիր Զելենսկիի հետ․ հայտարարել է ՌԴ ԱԳՆ ղեկավար Սերգեյ Լավրովը։
«Կարծում եմ, որ Զելենսկիի և Պուտինի հանդիպման հավանականությունը մինչև օգոստոսի ավարտը զրոյական է։ Հետագայում ևս շանսերը չափազանց փոքր են կամ ընդհանրապես բացակայում են։ Պուտինի և Զելենսկիի գագաթնաժողովը ոչ ավելի, քան Թրամփի ֆանտազիան է։ Հավանաբար նա կամ սխալ է հասկացել Պուտինի դիրքորոշումը, կամ մոլորության մեջ է գցվել», — ասել է ՌԴ արտաքին գործերի նախարարը։
Ավելի վաղ ՌԴ նախագահի օգնական Յուրի Ուշակովը կարծիք էր հայտնել, որ Պուտինն ու Թրամփը քննարկել են ռուս-ուկրաինական պատերազմի շուրջ բանակցություններում «ներկայացուցիչների մակարդակի բարձրացման» գաղափարը: Ուշակովը չի հստակեցրել, թե ինչ նկատի ունի հանդիպումների մակարդակի բարձրացում ասելով, և չի նշել առաջնորդների հանդիպման հնարավորության մասին: Միևնույն ժամանակ, Սպիտակ տան մամուլի քարտուղար Քերոլայն Լևիտը պնդել է, որ Պուտինը համաձայնել է երկկողմ հանդիպում ունենալ Վլադիմիր Զելենսկիի հետ։
