30 Օգս
2025
28° c ԵՐԵՎԱՆ
21° c ՍՏԵՓԱՆԱԿԵՐՏ
ABCMEDIA
Քաղծառայողից դիվանագետ. ի՞նչ է հայտնի պետական դավաճանության մեջ կասկածվող կնոջ մասին

Քաղծառայողից դիվանագետ. ի՞նչ է հայտնի պետական դավաճանության մեջ կասկածվող կնոջ մասին

Հայ դիվանագետ Աշխեն Ալեքսանյանը սիրային կապի մեջ է եղել ադրբեջանցու հետ և կարևոր տեղեկություններ է տրամադրել նրան։ Մամուլում երեկ նման սկանդալային տեղեկություններ տարածվեցին, որոնց մի մասը հերքվեց, մյուս մասը հաստատվեց։ Ամփոփելով առկա տեղեկությունները` փորձենք հասկանալ` ով է Աշխեն Ալեքսանյանը, ինչ պաշտոն էր զբաղեցրել և ինչ էլ հայտնի դեպքի մասին։

Ըստ մամուլում շրջանառվող տեղեկությունների՝ Ալեքսանյանին ԱԱԾ-ն ձերբակալել է մեկ ամիս առաջ։ Բացի այդ՝ առգրավել են ԱԳՆ մի շարք աշխատակիցների համակարգիչներ։

Սոցիալական ցանցերում Աշխեն Ալեքսանյանի մասին մանրամասներ գտնել չհաջողվեց։

ԱԳՆ համակարգի հին աշխատակիցներից մեկը «Հրապարակ» թերթի հետ զրույցում ասել է, որ շատ լավ է ճանաչում Աշխենին։ Վերջինս քաղծառայողի հաստիքում է աշխատել նախարարությունում, ապա աշխատել ԱԳՆ հյուպատոսական բաժնում։ Նա դիվանագետի կոչում է ստացել, որից հետո  աշխատակիցը այլևս տեղեկություն չի ունեցել նրա մասին։

Տեղեկությունը, թե նա Ավստրիայում ՀՀ հյուպատոսն է եղել, հերքեց Քննչական կոմիտեն։ Փոխարենը ՔԿ-ն հաստատեց, որ նախաձեռնել են քրեական վարույթ՝ ՀՀ արտաքին գործերի նախարարության աշխատակցի կողմից լրտեսության, օտարերկրյա պետության ներկայացուցչին պետական գաղտնիք պարունակող տեղեկությանը ծանոթանալու համար պայմաններ ստեղծելու, թշնամական գործունեություն իրականացնելու համար օգնություն ցույց տալու եղանակով պետական դավաճանություն կատարելու դեպքի վերաբերյալ:

Քրեական վարույթի նախաքննության ընթացքում ՀՀ ԱԳՆ աշխատակցի նկատմամբ հարուցվել է հանրային քրեական հետապնդում։

Վերջինիս նկատմամբ որպես խափանման միջոց կիրառվել է կալանքը:

Ըստ Factor.am–ի Աշխեն Ալեքսանյանը առանցքային վարչությունների աշխատակից է եղել և հասանելիություն է ունեցել կարևոր տեղեկությունների։

Աշխեն Ալեքսանյանը սովորել է ԵՊՀ Արևելագիտության ֆակուլտետում՝ 2010-2014 թվականին։ Այդ թվականների միջակայքում նույն ֆակուլտետում է սովորել նաև ՀՀ փոխարտգործնախարար Վահան Կոստանյանը, իսկ արտգործնախարար Արարատ Միրզոյանը 2012-2013 թվականներին դասավանդել է այդ ֆակուլտետում և, ըստ որոշ տեղեկությունների, դասավանդել է նրանց։

Ռազմագերիներ