Սրբազանը ամուր էր, լավ տրամադրությամբ. «Հայաստան» խմբակցության պատգամավորները տեսակցել են Միքայել սրբազանին
ՀՀ ԱԺ «Հայաստան» խմբակցության պատգամավորներ Ագնեսա Խամոյանը և Գառնիկ Դանիելյանը տեսակցել են ԱԱԾ մեկուսարանում գտնվող Միքայել արքեպիսկոպոս Աջապահյանին:
Դանիելյանի խոսքով՝ Սրբազանը ամուր էր, լավ տրամադրությամբ: Գտնվելով անազատության մեջ՝ նա իր ժամանակի մեծ մասը հատկացնում է ընթերցանությանը, հատկապես՝ հայկական և արտասահմանյան գրականությանը:
«Մեզ պատմեց իր հոգևոր ծառայությունից ուշագրավ դրվագներ: Երկու ժամ տևած տեսակցությունն անցավ ակնթարթի պես: Ամեն անգամ նորովի ենք բացահայտում Շիրակի թեմի առաջնորդին. տոկուն, ժուժկալ, ազնվական. այսպիսի հատկանիշներով կարելի է բնորոշել նրան», – գրել է պատգամավորը ֆեյսբուքյան իր էջում:
