ՀՀ-ից պահանջել վերջին 5 տարիների բանակցային պատմության ողջ փաթեթը, պահանջել նոր եռակողմ պայմանագիր՝ Արցախի, ՌԴ-ի և Ադրբեջանի միջև․ Ռուբեն Վարդանյան
Արցախի
հանրապետության նախկին պետնախարար Ռուբեն Վարդանյանը ֆեյսբուքյան իր էջում գրառում է արել՝ ողջունելով ԱԺ-ի այսօրվա հայտարարությունը։
Ռուբեն Վարդանյանը նաև նշել է, որ ԱԺ-ից հասցեական հայտարարություններ
են ակնկալվում, որոնցով ՀՀ իշխանություններից պետք է պահանջել Հայաստանի ու Ադրբեջանի
միջև վերջին հինգ տարիների բանակցային պատմության ողջ փաթեթը։
Ռուբեն Վարդանյանի առաջարկած մյուս կետերը ներկայացնում ենք ստորև․
– Բացառել Արցախի Հանրապետության անունից որևէ փաստաթղթի ստորագրում
առանց Արցախի ժողովրդի համաձայնության,
– Հստակեցնել ՀՀ-ի հետ ներկա հարաբերությունների կարգավիճակը;
– Կոնկրետացնել Արցախի Հանրապետություն-Ադրբեջանի Հանրապետություն
բանակցային ձևաչափի, երրորդ կողմի, մասնակիցների, օրակարգի և վայրի հետ կապված հարցերը;
– Պաշտոնապես հայտարարել «Հայաքվե» նախաձեռնությանը ԱՀ իշխանությունների
աջակցության մասին;
– Պահանջել նոր եռակողմ՝ Արցախի Հանրապետություն- Ռուսաստանի Դաշնություն-Ադրբեջանի
Հանրապետություն համաձայնագրի ստորագրում;
– Ակտիվացնել Արցախի Հանրապետության ճանաչման գործընթացն այլ երկրների
կողմից;
– Բացառել անկումային տրամադրություններին նպաստող քայլերը` արթուն
պահելով Ժողովրդի պայքարի ոգին:
