Արևմտյան երկրները չեն ձգտում խաղաղություն և կայունություն բերել Հայաստանին և ամբողջ Հարավային Կովկասին, նրանց խնդիրը Մոսկվային դուրս մղելն է․ ՏԱՍՍ-ին տված հայտարարել է ՌԴ ԱԳ նախարար Սերգեյ Լավրովը։
«Հայաստանն այժմ կանգնած է մի շարք մարտահրավերների առջև, ավելին՝ դրանք հնարավոր չէ հաղթահարել արևմտյան խաղացողների օգնությամբ: ԱՄՆ-ն և ԵՄ-ն, ի տարբերություն Ռուսաստանի, չեն ձգտում խաղաղություն և կայունություն հաստատել Հանրապետությունում և Հարավային Կովկասում»,- նշել է ռուսական դիվանագիտության ղեկավարը։
Լավրովը նշել է, որ Արևմուտքի խնդիրը բոլորովին այլ է՝ դուրս մղել Մոսկվային և տարածաշրջանային մյուս ուժերին, ստեղծել լարվածության նոր օջախ Բալկաններից, Մերձավոր Արևելքից և Ուկրաինայից հետո։
Միաժամանակ, ինչպես ընդգծել է ՌԴ դիվանագիտական գերատեսչության ղեկավարը, «ծանր իրավիճակից ելքն ակնհայտ է՝ ամենաբարձր մակարդակով իրականացնել Երևանի, Բաքվի և Մոսկվայի եռակողմ պայմանավորվածությունները»։
